Psa 98 | VulgJ | STEP | psalmus David Dominus regnavit irascantur populi qui sedet super cherubin moveatur terra Dominus regnavit commoveantur populi sessor cherubin concutiatur terra

Psalms 98

1 psalmus David Dominus regnavit irascantur populi qui sedet super cherubin moveatur terra ^va 2 Dominus in Sion magnus et excelsus est super omnes populos ^va 3 confiteantur nomini tuo magno quoniam terribile et sanctum est ^va 4 et honor regis iudicium diligit tu parasti directiones iudicium et iustitiam in Iacob tu fecisti ^va 5 exaltate Dominum Deum nostrum et adorate scabillum pedum eius quoniam sanctum est ^va 6 Moses et Aaron in sacerdotibus eius et Samuhel inter eos qui invocant nomen eius invocabant Dominum et ipse exaudiebat illos ^va 7 in columna nubis loquebatur ad eos custodiebant testimonia eius et praeceptum quod dedit illis ^va 8 Domine Deus noster tu exaudiebas illos Deus tu propitius fuisti eis et ulciscens in omnes adinventiones eorum ^va 9 exaltate Dominum Deum nostrum et adorate in monte sancto eius quoniam sanctus Dominus Deus noster

^va